AGS 2009遊記
2009/12/28 (星期一) 下午 11.34.44
Day 1同Day 4就不講了，因為要返工而無去到…
而且Day 1那日對我來講仲係「黑色平安夜」……
嘛~算啦！不應該將公司內發生的不愉快事件帶到玩樂的日子內~w
Day 2
呢日我只係做攝記，不過因為叉電的進程慢了，加上要到長沙灣找一件聖誕裝飾，所以最後五點才進場…
同上年最大的分別是，我竟然買了票入場，而目標當然是見工了~
不過因為前日病了，吃過發燒藥，所以「車載電腦」運作非常的慢…一個普通決定都弄了成個鐘先下到決定…
而且到最後先發現見工是可以暫不面試…早知我就Day 3出Cos果時先入場填表啦！
結果，難得帶了一部靚相機來，並且希望影到十幾幅相的我，最後竟然是和友人道別之後先影了
一個角色…很慘淡…
之後去埋日本書店看看新書之後就食飯回家了，順便開始執執Day 3需要用的東西~www
至於聖誕裝飾？未過25號都差唔多無哂，真係收得好快…
Day 3
今天是我出Cos的大日子！另外講番些少特別之處，就是一年前我出《Little Busters!》，一年後的今日，
都係出《Little Busters!EX》，不過當然唔係同一個角色啦！而且肯定全場只有我一個~www
另外，這日亦都是我部新相機投入服務之日(其實應該在1月1日起才正式投入服務的)，
我很想影多點相去測試呢部新機的能力~
雖然有一個網友陪出，不過我都是驚比唔想佢見到的人見到…因為工作的地方見到越來越多熟悉ACG
的同事同公司的生意伙伴…所以最後決定多留在Cosplay休息區中影相…w"
不過最後都是給公司的生意伙伴，同一個唔想給他見到的友人見到…www"
但是其他見開我出Cos的網友(全女性)，見到我果日出的角之後，她們不約而同都說「個妝進步了很多喎」~www"
由於場內都無我想睇的野睇，所以我們只在場內找少人的地方玩自拍，而網友走了之後，我就幫當日
的數碼01團影相同繼續自拍，到最後就同她們一起飯局…
不過昨日食的藥的藥效好明顯未過…
話說這是紅日(法定假期)，但「車載電腦」竟然指我入跑馬地搭巴士回家，結果去到巴士總站之前一刻，
「除錯系統」先醒起出錯，結果要拿拿聲行番出去銅鑼灣找車搭…www"
其實今年AGS，雖然伙拍網絡遊戲而令個場無咁空虛，不過我講過，我對MMORPG無乜興趣，而場內的
網絡遊戲幾乎九成都是MMORPG，再加上$ONY個場無乜想玩的Game推出(GT5我無興趣睇，只係有興趣買)，
所以我覺得今年個場係超悶，而且那$25又無禮物收，好似同白給無分別咁…
另外第二個可惜係，GT5的試玩排哂長龍，但其中一個寫著「豐田車主專用」的位卻長時間無人坐，如果我
唔係病到五顏六色的話，我或者會醒起係Day 3借親戚條車匙來玩唔駛排隊…而且佢唔信的話我都可以比個
車牌佢睇，佢唔信都要信…www"
不過係場裡面總算發現了一樣值得留意的新事物~
(聽聞轉台速度快高清解碼器幾倍~)
終於可以省掉解碼器，和增加家裡部PS3的使用率了…www"