理大藝墟，超頹！
2010/01/31 (星期日) 下午 10.06.02
出Cos，其實會給心情影響了效果…囧
雖然話出Cos前的幾日是無發生過任何不快的事件，不過就硬係唔知點解會有種「唔好出Cos啦」的感覺…
不過難得有機會了，當然要出多次啦，順便練下妝都好啊…
不過之後就係給呢種心情影響了，搞到真係出Cos果時影響了效果…
今日原先是同某網友Togeter出雜角的，不過她突然有事來不到，所以我就伙拍了另一個網友，而且她說
可以教同幫我化妝~w
不過講了咁耐，其實大家都未知我是出甚麼的…
嗯，又是出《Happiness!》，因為上次城大秋祭出得唔多好，所以原定想係今日補鑊再出好點的…
雖然本身無期望有人會攝我的，不過不計算我自己找的兩個攝影師，竟然有三個人主動找我影相~w
但對於自己同自己影的相……好明顯比起上次影的都要差…www"
而且中途找人的多，找景影相就真係…幾乎都無…因為個人好頹的關係，唔想四圍行…
如事者去到夜晚，網友們首選用鐵路去旺角飯局，但為了省錢同私人的原因，我決定行去紅磡找平車搭…
不過就在中途，網友們突然改變主意，說不想在旺角東鐵路站行一大段路去信和中心那邊…
就在這個時候，我決定將原先用來作為我緊急回家的最快路徑 — 乘隧道巴士介紹給她們聽，不過我
仍然決定入紅磡乘車，因為我覺得個價錢唔值…w" 但她們之後又話「我們一人一圓貼你搭了！」…
最後我付出了$5.7做分段客，搭隧道巴士去旺角，真係貴到無朋友…www"
雖然中間發生了些少掃興的事，但最後我地一行八人去吉○家食火鍋，很不壯觀！www
不過吃完差不多一個鐘之後，飯桌竟然變成了眾槍械的展示場！www"
不過槍械展很快就完了，之後各人各自回家了~
其實呢日理大出Cos都有點失敗，因為我有很多招牌動作都忘記影，又忘記了惡搞…囧
無辦法，因為頹，有機會再出Cos的話，一定要預先研究下Event環境同自己有幾多野想影先，免得
臨門一腳果時亂哂龍，最後乜都搞唔成…w"
P.S.1 不過今年其他Coser的行為都算差劣了，又踏唔比踏的草地，又坐爆路燈，仲要有好多Coser唔知
做乜鬼野，人地爬樹佢又跟住爬樹，看來都要同理大藝墟2011 Say Goodbye了…www"
P.S.2 另外除了在Cosplay界有不良Coser之外，在巴士迷界最近都有人討論緊某些不良行家為影相而搵
命博的危險行為，呢頭講完，果頭搭巴士去理大途中就見到一位正用鮮血去換取一幅相片的不良
行家在影相…唉……