話說我上次去呢個Event，已經係前年九月了…
上年唔去的原因，是因為前年係炎夏舉行之餘，仲要爬山而嚇怕了我，
今年難得改到 3 月舉行，再加上有新衫造好，所以就決定去出Cos了。
今年同前年最大的分別是，有一位前同事(Cosplay新新手)同行，
另外官方只提供使用鐵路前往的方法，所以我決定向難度挑戰，我們搭巴士去~www
為了令旅程更添樂趣，我決定玩BBI (巴士轉乘優惠)，由市區去中大會轉一次車的~
首先在大角咀搭 31B 號巴士去荔枝角鐵路站，之後再行多 20m 到達長沙灣巴士總站，
和這個友人會合後，轉乘 72 號巴士到崇基學院分站下車。
但由於往中大的途中需要經大埔道同大埔公路這些斜路多的路，對部車的性能係好講
究的，所以就無上最快開出的一部TD豪(富豪奧運比安11.3m 使用富豪TD102KF引擎)，
而多等25分鐘，希望下一部開出的車性能比前車好(唔緊要！我的BBI未超時，我有本錢
等！www)，結果真係等到部性能更好但屬非掛牌車的康偈豪(富豪奧運比安11.3m
使用康明斯L10引擎)，結果用了35分鐘就由長沙灣到達中大崇基學院~
係了花了咁多口水講前菜，大家一定想知道我是出甚麼~
今日又是出新角的時候，而得獎作品就是《我們沒有翅膀》…但可惜這套作品我並不是喝頭淡湯
而係飲第二淡，只有角色我是可以喝到頭淡湯…www"
到步後當然就是先行去大學鐵路站前，找一找中大動漫學會的人做Cosplay登記啦，不過
去到目的地先發現原來中大動漫學會到活動當日先突然將登記地點改到教堂前，白行了…
另外一向令我印像是很整潔的大學洗手間，都令我失望起來…唔知點解洗手間有好多霧水…
不過想到只是單純的霧水，而且學校又在郊區…算了。
但套衫因為係造的時候出現了一些溝通錯誤，所以最後做到件衫係好靚，不過著同脫就
真是極度困難，所以比起其他的Cos服，我要花上 3 倍的時間先可以著到…
(到脫果時就床煩了~www")
花了個多小時，換完衫化完妝，終於都可以行去未完湖影相，但這個絕對是惡夢呀！！
話說因為心儀的鞋根本就無合我的呎碼，最後只能買對細碼鞋用，所以在這日我著的果對
鞋是給我隻腳細 3 碼(15cm)，行一步路都痛到無朋友……
不過最高興的係除了我自己找的攝影師，自拍同友人拍攝之外，終於都有人主動影我了~www"
但是…對鞋真係著到好痛，無辦法再忍受…再加上已到達取行李的最後期限，所以我把心一劃，
就托人幫我取回行李(我根本唔可能再行咁大段路返上去拿…)，決定換回波鞋…最多唔影大腿
以下的位置囉！www"
結果原定1730就離開的我，因為換了鞋後舒服了好多，所以就再戰多 2 小時，搞到2000才離開~
但因此找多了 3 個人(合共 5 人)同行~www
今次玩BBI我決定增加難度，就是在轉乘期間抽出時間去行街，最後先搭車~www
首先一定要搭最貴的 72 號巴士，取得 BBI 資格，然後在沙田大會堂下車…www"
「沙田有甚麼啊？有新城市廣場囉！」
「新城市廣場有乜野呀？有買○王囉！」www
我們就係為了呢個原因先係沙田下車~www
除了買○王外，仲沿天橋行到好運中心，瀝源村，最後就在禾輋商場的摩斯漢堡吃晚飯(難得
今日做了咁多日本風的野，晚餐最好都入鄉隨俗，食番日本風的野啦~www)，再行一行隔離
的大創$10店，再上去商場 3 樓看一間鋪名好搞笑的鋪之後，才搭 81 號巴士出旺角解散~
我們在沙田花了個多小時行街食晚飯後才轉車，BBI 居然未超時，上車時一毫子都無收！www
(而 81 號巴士是 72 號巴士 BBI 的對像之一)
我都話行大埔道，真係非丹尼士車不爽，富豪車係無呢種感覺的！www
今次搭的一部歐二疐(丹尼士三叉戟 12m 配亞歷山大車身，使用M11-305E引擎)，由於已到夜深，
出九龍的人少，車的負載都少，所以行大埔道的時候，速度真是像搭小巴一樣，爽啊~www
而收到的消息指，雖然未完之約改到 3 月舉行，但不代表 9 月就沒有活動搞(雖然未知係甚麼)，
所以九月我可能會再多去一次中大的~w