如果新市鎮像模範城市咁規劃就大鑊了…
2010/04/04 (星期日) 下午 11.54.58
今日係行文化博物館的時候，意外地發現了一套咁的遊戲，內容是關於城市規劃的~
咁見到咁好玩的野，當然要試玩啦~
…
……
………
完成！
不過睇真一點，地圖左下方的地方唔知點解會咁塞車…明明果堆只係村屋同一所學校……
唔只我覺得奇怪，連電腦都話叫我改善一下公共交通……
但是遊戲從來都無定義過「一個巴士 / 鐵路站是服待幾多層樓，或者係幾多格」，
我點鬼知要幾多巴士 / 鐵路站先夠咁多層樓分啊……
之後電腦給我看了一個「模範城市」…
但硬係覺得個城市怪怪的…
之後因為時間關係要走了… 但是正如我一位前同事所講：「人，係有好勝心！」，
所以最後都係決定返轉頭再玩一次！我要玩到部電腦大讚我個地圖為止！！
…
……
………
又一次完成！！
不過今次有點失誤，有四舊野起錯了…(用紅色標示了~)
但是經過大執之後，交通非常之暢順~www
之後就是等電腦評語了~
「哼！」
這是我一看到結果之後第一個反應。
觸怒玩開《A-Train系列》同善長城市規劃的「香港高速鐵路公司」主席，下場就是這樣了~ (？)www"
但是，電腦卻再給我一個衰城市！
好了我真是怒了。
這個怎可能叫「模範城市」？
它根本出現了很巨大的規模錯誤！
※1：住宅區同工業區過近
工業同住宅係水火不容的種類，舊區就算了，但新市鎮根本唔容許再出現呢種規劃！而且仲要起
係公屋隔離…公屋住的都係人，究竟規劃的人有無想過呢樣野？
※2：屏風樓
係海邊起屏風樓，內陸的樓根本唔可能有鮮風吹到，之後空氣會越來越差…
最搞笑係果兩座係公屋……
※3：相同的設施過近
電腦由始至終都無定義「一種設施係服務緊幾多層樓 / 格仔」，但根據番我個城市的評語，一座
醫院就夠了，而我都唔明白點解兩個鐵路站的距離會近得咁緊要，互相搶客…或者其中一個係
私鐵車站掛…wwwwww"
※4：交通安排失當
工業區最繁忙的時間，只是上午7時至9時，下午5時至7時，而且通常有廠車接送，咁要兩個巴士
站做乜野？不如將呢個分過去右下角的私人住宅區！另外隔幾格就起一個巴士 / 鐵路站，變成有
幾條線由同一地方去另一個同一地方，但每條線都唔夠客維持，巴士 / 鐵路公司雙輸，交通規劃
失當。
仲有一個大問題…
※5：人口密度太高
作為一個新市鎮，緊係想住的人可以好好生活，但見到呢道每層樓幾乎都係一座緊接一座，工業
區又同住宅區緊接，地又用到盡一盡，有違設計新市鎮原意。
所以我不滿意呢個模範城市，因為根本就係一個規劃好差的新市鎮！
但是這個模範城市，卻正正顯示了現今香港對於新市鎮的規劃…
在香港，除了葵涌之外，所有已發展的新市鎮都是失敗之作(尤其是天水圍及將軍澳)。而這些新市鎮的
通病，都可以在上面那個所謂「模範」的模範城市內找到：屏風樓，設施過近 / 過遠，交通安排失當…等等
，而且我亦都係這種規劃的受害者…
所以我覺得呢個模範城市，簡直就係現時香港城市規劃的寫照，真是糟糕透！真是大鑊！
我希望發展啟德同古洞的時候，唔好再重蹈覆轍，又做多兩個失敗的新市鎮出來……
但我覺得城市規劃其實係科學的一種，唔應該放係文化博物館，而係放係科學館會係最適合。
P.S. 看完萬眾期待的《AngelBeats!》第一話之後……我決定購買天使的股票！我期待她有更好的表現啊！www"