香港書展的戰利品
2010/07/28 (星期三) 上午 01.42.03
咪就係因為想買工具書囉！
計上年買了三本講鐵路的書籍之後，今年考慮了兩小時之後，再決定買多了三本( + 一本)書回來~
每本書的內容都好精彩架，對於我來講…www"
《都城嘉慕 - 都城巴士》
話說都城嘉慕在香港來講都算係一代名車，耐用，好力，載客量高，只係極速慢了點。
可惜間廠太早玩完，否則都城一定會繼續成為香港巴士公司的熱買對像囉…
《圖解日語單字王》
當初諗住去書展買本專講日語單字的書(因為老闆叫我多記日文單字…w")，點知最後又真係給我找到！
原先就唔係買呢本的，就係我決定買果本前一刻，竟然給我看到呢本，所以我就諗都唔諗，立即去馬~www"
《高鐵列車技術百科》
普通鐵路的技術我大約都了解的，之但是高速鐵路技術同普通鐵路技術係有點不同，再加上書中有介紹
日，法，德興建高速鐵路的原因，因此決定購買。
《留學記趣-奧地利》
……話說是買上面果本書果時送的，還有另一本說北京的，之但是作為一個勤奮上進的80後青年…唔應
該過多地北望神洲的，加上奧地利的歷史比較好看的關係，所以用了一秒時間，我就決定要呢本~www"
之但是到執筆之時，我都未有時間睇呢本書…www"
講完書，講下書展內的趣事~
大家應該知道書展(之後動漫節都係)，飲食係貴到無朋友~ 經過半小時的努力之後，終於給我發現最抵的
係乜野！就係……
珍珠奶茶(700ml)！
只有佢，係同街外售價差唔多…
只有佢，除了飲之外仲可以食…
只有佢，可以補充大量的糖份…
所以飲完之後，甚麼失去的體力都回來了~www
P.S.1 之但是最可惜的事就係因為起唔切身，所以迫住要買貴票進場…
P.S.2 走果時見唔到城巴部 7001 出街行，結果就上了 211，雖然它仲係「寶刀未老」，不過見到它因為夠期
要死而給城巴拆了個連用都未用過的報站機…感覺真係唔多舒服…
