香港動漫節2010閒談
2010/08/04 (星期三) 下午 11.45.57
其實，因為要上班的關係，所以一年五日的動漫節，我只係去了兩日，對我來講，動漫節係Day 4
就已經完結了…雖然日記其實係Day 4起就可以寫的，但始終動漫節係Day 5先完，所以我決定今日
先寫~
好！入正題~
雖然在我去的果日之前，都因為要返夜而難以準備要用的東西，但有驚無險，在去之前一晚總算搞掂…
Day 2
今天約了個友人齊齊出Cos，她出《寒蟬鳴泣之時》的禮奈，而我就出《SHUFFLE! Essence+》的一個
有名的新配角~為了快，我決定搭 104 線去灣仔，不過好死唔死，等了兩部車，橫跨兩間巴士公司的
字軌後，來的係一部新記的歐三排(富豪超級奧林比安 12m)，係我討厭車型之一…
但時間無多，所以我都決定上了…
雖然新記Tune車有一手的，但呢部排真係廢到連上紅隧口的斜路都唔夠力…
最後，給原定時間遲了一個鐘先到步，但好在友人幫我排隊，又剛好排到她，所以我就唔洗排隊，
可以直進更衣室~w
換衫同化妝之後，正式上戰場囉~www"
不過，由於Wig未整理，加上有道具未帶上的關係，出Cos的效果不太好…
雖然預計唔會有人有興趣影我的，但當我友人幫我影相之時，這個不可能終於出現了，我都開始感覺
到給人圍影的感覺了，而且不分男女老友，有很多人都主動要求同我合照…www"
不過今日來的主題當然不是給人影咁簡單啦，而係特意來購物的~www
一行就發現驚喜~！！
又係《COSPA》啊！！計C3展之後終於又見到呢間野了！！
但可惜貨品的種類比起C3那時更少更單一，結果甚麼都無買……
但是發現了一間有賣《COSPA》物品的新店開業，所以決定明天抽時間去睇下~
再花了半個鐘頭後，執到兩本書~www
就是《AngelBeats! -Track Zero-》同第一千零一本《SHUFFLE! On The Stage 設定畫集》！而
《AngelBeats! -Track Zero-》因為給街外邊至少平 $ 5 0 ！所以問答無用，立即去馬！之後再行了一個鐘
之後…又發現第一千零一個的公仔！由於價錢的問題，再加上手頭銀彈不足，所以我問一問友人我
應該點做好…但其實問她都無用，因為她不斷咁遊說我買…www"
結果，我行了出會展新翼提款之後，我決定買了！！
(而且我竟然完全不介意我當時的衣著… 我的恥力幾時提升到咁高架……www")
因為這個公仔是《はびねす！》的渡良瀨 準！而且還是全場第一千零一個，唔買真係會給小準討厭架！！www"
到日本歌手唱歌環節，竟然仲撞番一個舊網友 + 同學，之後大家就集體行動了~
之後一行四人去食拉麵，再講下我公司的事之後就各自回家了~
不過故事未完哦~
唔知點解，2330時由紅隧往九龍的塞車情況，竟然同0800那時差唔多，仲一路塞到去旺角先塞完……
結果塞到0016先到家附近，可以下車了…
這就是Day 2的戰利品，合共洗了我 $ 8 X X ~
不過亦令我了解到，有工作做的好處，就是可以立即動用大量銀彈買野~www
Day 3
原先預計一樣可以係0900起床的我，竟然睡到1200先醒到……
連執野食飯的時間，出門口已經是1400了，給昨日更遲……
之後我就到到巴士站之時，剛好見到有部PC牌的金雞(SCANIA K310UD)準備埋站，所以快快跑去上車~
雖然去年我講過金雞上紅隧口斜路表現不濟，不過自從上星期日日搭296C都搭到金雞之後，我發現PC牌的
那一批性能同兩部N牌樣版車完全不一樣，上紅隧口斜路真係很好力，同琴日搭的果部歐三排真係天壤之別~www
不過今次沒有友人排隊，結果差唔多排了一個鐘先入到更衣室，而且原來提早係洗手間換了衫之後，
係可以打尖的…早知我都換定先啦！不過今日出的係《LittleBusters! 4格漫畫》內的角色，真係會無乜人知，
加上我個人換衫後排隊覺得會好囧的關係，所以算了…
結果換完衫望到自己的樣後，唔知點解我會出現一種自信，原因同琴晚啟動的一個死亡Flag有關的…www"
話說琴晚同友人賭一杯場內售賣的珍珠奶茶(書展介紹的果杯)，內容係賭我會唔會同時給十個人圍影……w"
作戰開始！
高峰期係有六個人圍影，結果當然係我勝~www
不過友人唔服氣，決定再到人流更多的地方繼續影，之後我竟然聽到一句震撼的說話…！
「你個妝真係好掂，動作又真係好似喎！」 ← 這句對係出自兩位中年大叔同一位女性友人的口中~www
之但是，高峰期都只係有七個人圍影…
看到她咁恨飲那杯奶茶，再加上比兩個中年大叔 + 一位有為青年大讚我個妝掂，令到我好開心，所以我決定
增加死亡Flag命中率(！？)，由十人改做八人，結果我真係輸了囉！！www"所以最後都係請了她飲野~www"
之後我就出去找番友人合照，再入場看看有無東西可以買之後，就開始玩自拍，拍到2030就閃人了~
離開會展後，再根據番琴日的設定，去銅鑼灣看看那間樓上鋪…
這裡果然無令我失望哦！不過出售的《COSPA》物品仍然係過於單一…
但我反而對那堆Cosplay衫(？)有點興趣，所以就埋去看看，衫的質地不錯，只係售價貴了點…
但比起那堆衫，我更在意每套衫封面的果幅CG…唔知點解畫風極似某個人的手筆…
就係西又 葵
就係我想到答案之時，同時係CG的右下角發現了這個名字……(Sosad)
行埋宜家同食了五粒肉丸之後，就去巴士站等車了，見到新記部歐四疐(亞歷山大丹尼士 Enviro500 配
康明斯ISLe引擎)行過來，開心到興奮難耐！因為新記果批歐四疐係好好力的！
結果又真係好好力……係過海前……過海之後唔知點解師父會碌車…唉…
又係惡搞時間~www"
我應該向左走？還是向右走？www"