今日只需要上兩堂，頭果堂無乜特別，但最尾果堂...OTL
啊Sir一開始就每人派三張紙，兩張係教Java Object的(但佢無時間講，又叫
我地去備課...)，另一張就係Project，內容果然係我同網友談天時所講的一
模一樣，係做一個戲院訂位系統，除了要自已一個做之外，仲
要加上程式設計書...OTL 希望上天保佑我呢份Project無事了...OTL
返了屋企之後，就食了盒飯，開電腦上了一陣網之後，就去樂富交公屋申請表，
雖然話一個人申請要等好耐(因為有計分制...)，但為了將來可以減輕
屋企的負擔，呢間屋點都有必要！所以就去到公屋申請辦事處，拿了號碼
去排隊，但我連坐都未坐定，甚至連填好的申請表都未拿出來就
已經叫到我...@@" (其實係我之前的兩分鐘內都無人排隊...XD)，除了有少
少資料無填而要即時填上及更改交表日期外，基本上算是完成了申請公屋
的第一個程序，但小車離開了公屋申請辦事處後，竟聽到中央廣播說「高
鐵先生，高鐵先生，請到2號櫃位(註：我唔會係呢
道透露我真名的~XD)」，所以我就急急回頭查看究竟，原來這階段的申
請是不需要銀行資料的，所以職員叫我拿回。
之後，小車就沿龍翔道，行去了黃大仙(事實上兩區距離係好近)，其實目
標都係得一個姐，就係參觀下領匯第一個豪裝的公屋商場廁所，而這
個商場就是黃大仙中心，不過我入到商場後搵了數分鐘先搵到商場
內唯一一個男廁，亦是我的目標 — 第一個被豪裝的公屋商
場廁所(對唔住，女廁暫時未翻新)。裡面的設計的確很似私營
商場的廁所，而且設有兒童用尿兜及坐廁(前者是比正常的低一點而
後者是一個迷你版坐廁)，還有職員專責清潔，所以呢個廁所的確可
以一洗公屋商場公廁一定是污穢及無考慮各使用者的需
要的形像，不過就係因為有職員在此，所以不方便影相...XD 而我亦有用
過這個廁所，但發現此廁所同時設有尿兜及尿糟，我硬係覺得呢道係
美中不足，因為有少少浪費...(謎之聲：你不要忘記仲係用政府的
錢來翻新呢...)，而我由這廁所行番出去商場時，簡直係兩個世界，
因為個廁所係完全配唔起個商場...(汗)
之後就因為要去凶之島看手掣，所以就行返去樂富(中途影了獅子山一景，已
放在相薄內)，但目標物品太貴，所以我不會考慮在此購買。看完之
後當然就是搭地鐵回程了，而這裡又有一件趣事發生了，就是在
入閘前，我發現了有查票的職員企了在閘口前扮等人，不過我唔肯定
有無看錯，所以就在入閘前突然改變方向入閘去試他，果然這個
人立即上前要求我出示有效特惠車票，不過恐怕要他失
望，因為我一早已在入閘前發現了他，所以在他行過來之前我已
經開始拿出銀包，內有一張有效特惠車票(個人八達通)，
所以整個查票過程只是用了3秒...XD (不過佢幾好禮貌，唔錯)
P.S.1 原來MSN Spaces上載圖片後的尺寸是600 X 450(橫放相)同525 X 394(直放相)，
如果唔想佢同你壓縮相片搞到質素變差的話，不妨用這個尺寸自已壓縮先了！^^
P.S.2琴晚一口氣睇了Rozen Maiden Traumend 01同02話，只覺得翠星石比起之前更
加毒辣，更加不擇手段，所以我覺得佢好正~XD
P.S.3 估唔到今日行過的路口(龍翔道 / 正德街交界，龍翔中心對開)，過了幾個鐘
頭之後就有2部的士同3部私家車串燒，當我知道的時候真係好無言...XD"