《鐵路百年》鐵路展覽會+後記
2010/10/11 (星期一) 上午 01.49.57
【重要】由於我唔想幫某地產公司賣廣告，故部份相片經過加工處理。
【重要】日記多圖注意
2010年10月9日，我同網友一同去了一個以為唔會再出現的展覽…《鐵路百年》
但講到尾其實這個是九鐵百周年展覽。
由於我很討厭那間「用錢鋪出黃金路」的地產公司，所以就算是有記念價值的呢日，
我仍然決定選搭 81 號巴士入沙田，之但是有段小插曲~
話說去到巴士站，人龍很長，很明顯就是脫班，之後來的一部疐(丹尼士三叉戟)，又真是正如我所料，滿座…
我決定多等 10 分鐘等下班車，不過下班車卻在 3 分鐘後到站，仲要得幾丁友w
去到沙田之時，三部疐齊齊拖卡到站，我果部仲要係帶頭的www
一入場，首先就有幾位年過 80 歲的九鐵退休員工，送了各人一本記念冊，當收過記念冊後，我第一樣最急
不及待想確認的事，就係展覽有否展出不正確的香港鐵路歷史，你都知道果間「用錢鋪出黃金路」的地
產公司都有份搞的，唔合自己聽的說話有機會會河蟹掉架嘛…
但當我看到這展板的內容之後，我強烈推薦有興趣的人去睇！
(C) 《鐵路百年》展覽
就憑呢個列表，我就知道這裡所介紹的歷史無被刪改，所以好值得來看的~
但是由於時間關係，我無同那些退休員工交談過，真係有點可惜…
當然呢日唔係就咁就完結啦~ 之後我就帶個網友，再玩下果隻他媽的新市鎮規劃遊戲…
第一次…
我們好成功地複制了一個天水圍出來~(Sosad)
第二次…
同我上次所講的一樣，無定義一個巴總 / 鐵路站係服務緊幾多人 / 幾個格的話好難去起…
第三次…
點解新市鎮一定要有工業設施？工業都北移啦！仲咁OUT一定要有工業！？
最後一次……
呢個好明顯係東涌……嗯！！(Sosad)
但想不到一個鐵路展覽可以洗我兩個鐘…
所以再行埋下層的懷舊玩具展覽廳之後，就臨急臨忙咁向沙田市中心出發，
精選地更新一下裡面還有甚麼值得觀看的…w"
中途，行過沙田市中心巴士總站……
恭喜你新巴，除了呢條香港首條由將軍澳直達沙田的巴士線 798 線開得成之外，
仲恭喜你可以係九龍公司的戰略車站插旗~www
只不過一行人去到禾輋之時，已經是 1830 了…今次大件事了…
因為我約了個日本同事於1900係旺角等，日本人一向係極度守時的，但係禾輋搭巴士出旺角…
雖然係直達，但最少洗你40分鐘，肯定遲硬大到…(Sosad)
我只好死死氣打電話給他，說要延遲30分鐘到步，另外再加上兩個我的網友會一同吃飯，
好彩他都話「冇問題」~www
但點解我無端端會約個日本人行街？因為他有一個件事，係香港解決好過係日本解決的，
所以希望我可以帶路，幫佢解決那個問題~ (咁當然唔係色色的事吧~w)
而我搭出旺角的車，係紅線疐(ATR356 / HN2195)，而我亦係第一次發現呢部疐同 81 線
其他疐的分別，除了波箱不同之外，全車座位都設有安全帶~
雖然那個ZF波箱係平路加速係幾快，但設計上始終不是用來爬山，所以無其他疐咁，可以滿載下
衝上山咁快… 最終用了 50 分鐘先到旺角，行到去約定地點，剛剛好定刻~ (其實已經遲了 30 分鐘…)
結果那件事順利辦完，他開心到不得了，就請了我同網友吃日本菜致謝~www
呢日都算係勞累啦，不過又可以睇到一個我以為不會再出現的展覽，又可以同個網友暢談公共交通，
又幫到個日本同事解決到個煩惱，都算好運同不錯啦~