CWT-香港遊記 (關鍵字：超頹！)
2010/10/18 (星期一) 下午 12.44.38
其實如果我可以早點到步的話就應該無咁頹的…之但係事前真係太多野要做…
另外今天的特別之處，係未去會場前就先洗了我 $78XX 了！答案會在最後開估~
如果要講，真係要由早上 9 時開始講起…
起身之後半個鐘，由於有點家族上必要要做的事要做，所以辰早就飛了入郊區呼吸下生鮮的空氣，
但可惜果程車因為司機唔熟路而長了…時間就係咁損失…
大約用了個幾鐘呼吸完生鮮空氣之後，就再出番深水步，買一樣已經忍了兩年的東西~
只不過搭的果程車，一樣係咁慢，無可能架，明明係搭的士架啦，又浪費了時間……
而去到深水步之後，決定先食飯後買野，都係另一個錯誤…www"
結果種種的錯誤之下，明明計劃1400出發的我，最後要搞到1530，先會合到朋友出發，最後係1630到步……
係朝早搞了咁多野，又擔又抬之後，成個人都累了，開始頹了……
先講番呢日的重點活動 - CWT-香港。
其實CWT全名係「Comic World Taiwan」，好明顯這個就是台灣的大型同人誌即賣會的主辦機構之一，
而香港場佢係第一次搞，我其實幾高興的，因為台灣的同人誌比較好看，如果呢個係台灣場的話，我相信
應該會有比較多台灣同人誌賣，會幾值得入場的，我相信會幾值得…
但現實係，CWT-香港的的確確係一個純正的同人誌即賣會，無舞台，無嘉賓，就連佢的強項台灣同人誌都
只有幾檔，其他的都係香港的同人誌，咁我做乜要花錢入場呢？所以入完一次之後，我都無再入場睇了…
另外今期影Cosplay相亦創下有史以來的記錄 - 0 (Zero) 張！！
因為意外地今次我可以用 10 隻手指就數哂全場Cosplay正Cos的作品名，又剛好唔係我杯茶囉…(Sosad)
所以係下個Event開始，我決定會多出Cos，少影相，如果今日的Event有出Cos的話，我一定會用掃場的時間同
自己影好多相，製造更多美好的回憶囉…(Sosad)
之但係開心的野仍然有~
我們一行 6 人，係夜晚出尖沙咀食晚飯，過程意外地無比的順利，之後我又決定落毒(開坑就免了w")，
介紹同我一齊來的朋友，叫她試下出《笨蛋 測驗 招換獸》同《WORKING!!》的角色，之後因為她要返工，
我又真係好累，所以就提早解散，我回家了…www"
一回到家，望到那台價值 $78XX 的東西，我感動了~www"
當然我唔係就咁買個機箱回來啦~www"
而裡面粒CPU更令我感動起來~
因為係Intel Core i7-950 (3.06GHz)，一粒四核心CPU~
等了兩年，終於有錢買了~(Sosad)
好了係時間貼一貼我部機的資料先~
底板：ASUS
CPU：Intel Core i7-950
Display：ASUS ATI HD5830 (1GB DDR5，256bit)
Ram：4GB (由於將來安裝的Windows 7只係 32 bit的關係，所以電腦應該只認到3.67GB)
呢部新機，除了係因為《A-Train 9》那個嚇死人的要求而買之外，仲有就係舊機都用了 5 年，
係時間要退，反正我買的果個Windows 7係專業版，我可以玩Windows XP Mode，完全無兼容的問題~www
雖然就係呢舊野阻我去CWT-香港的，但諗到佢個性能咁高，將來再升級，只需買張新Display同RAM就可以，而且
CWT-香港又無想像中咁多好野賣，抵啦~www
不過因為軟件未搵齊，所以部機呢個星期應該只可以放置Play住幾日先…(Sosad)