因為叫了哥去做家務，所以我就有時間出街行，而我一早
就決定了去邊，就係去石硤尾邨影下批徙置大廈(即7層H型
公屋)(相已經放了係相薄內)，因為呢條邨就係全港第一條公營屋
邨，而呢條邨已有50年多的歷史，而最初興建的徙置大
廈亦都有50多年的歷史，早就非常殘舊，所以政府早就想拆，雖
然房委會已經話會保留2座徙置大廈作集體回憶，但我仍然想
係我仲可以係我得閒見到呢批歷史建築物的時候就去影
底佢！
(想知呢批徙置大廈及公屋的歷史？你地可以去網頁「香港地方」繼續睇。)
但影完徙置大廈之後無可能咁早就返去架，所以我就行上去白田邨睇下個
商場有乜野賣，不過個商場真係好細，好似條通道咁，行完之後就去
到白田邨巴士總站，不過我唔會係度就咁樣就放棄的，因為影完公屋之
後下個目標就係石硤尾公園，所以我就向山頂行(之前睇過地圖見
到個公園係山頂)，但行行下我無意中望到一部學神用客貨車的車牌
(果度近試場，所以學神特別多)，發現果部車竟然是我第一次學
車用的果部車來！(我重申唔係同一型號的車，而係果部車！)
，所以我就行返去巴士總站等等先，之後先再向山頂行。
行了大約10多分鐘之後，終於到了石硤尾公園，雖然睇地圖就見到
佢都好大下，但其實個景唔係咁好，只係多樹，所以我好快就離
開了，繼續行，又好快咁就去到九龍塘了，咁唔來都來了，不如就搵
下有無位可以影風景相，結果就係火車隧道上影了幅風景相，
構圖唔錯架~(相已經放了係相薄內)，影完之後就跟住火車軌一路由
九龍塘行返去旺角，中途經過我初初學開車的果條街，發現果條街
附近有好多奇怪的建築物，日式，中式，西式樣樣都有，更發
現鄉議局的總部居然都係果條街裡面！(因為學車時要將集中力
放哂係條路上面，根本無睇過條街有乜野)，就係咁樣就經新世紀廣場
行了返旺角，買了個飯就返了屋企食了。
其實呢三區話遠唔遠，話近又唔近，不過我就用了成3個鐘先
行完，仲行到身水身汗...OTL 不過都好的，等呢段係我的地圖中仍然
係空白的地方加番點色彩都好~XD
P.S. 返到屋企之後無聊咁按下收費電視的節目時間表，竟發現Suger居然係TxbQ重
播，仲播了6話咁多，我睇完個時間表之後真係覺得非常無奈，但睇內容又覺得
唔錯，因為佢起用番日文OP同當時係六叔台播時被Cut掉的Topic。