其實琴晚打完PangYa之後已經覺得身體唔多舒服，估計係部冷氣輸出溫
度太低所致。但知道都無計了，家人睡覺時覺得熱，我又唔可以話
太凍要收細點，不過我下次一定會要求係睡的時候要收細點，
費事病，又要用錢睇醫生...
講起錢，今堂Science Tutorial真係好搵苯，今日其實得呢堂要上，但
呢堂係唔符合我最低上堂時數的要求(我最低要求上堂時數為2小
時)，但呢堂得1.5小時，而且前後都無堂，所以呢堂有乜野問
題發生了就真係仆直了，車費都蝕埋，結果今堂亦是...OTL
計上次啊Sir病倒蝕車費之後，今堂又以另一方法再來過，一坐底
啊Sir就話今堂只需用30至45分鐘就可以講完，因為今堂無數可計
，只係Common Senses，雖然啊Sir話留番時間來幫幫追唔上
的同學，但我連呢科，甚至係數學基礎都唔得的時候，問佢係無
答案，所以我要睇睇中文的中四物理課本之後問佢先問到野，
結果，呢堂去到1408就上完，只係用了30分鐘乍，所以今日又
蝕一次車費(Total $10.2)...OTL 不過講慘，我朋友仲慘過我，佢由大
埔來的，佢同我講佢連位都未坐暖就落堂，真係有點兒那個，
來回車費已經超過$25，但只係上了15分鐘都唔夠就要走(因
為佢遲返15分鐘)，你地話係咪好搵苯呢...
其實我地呢個課程三班之中，只有我地一班係要係星期一上堂，
其餘的星期一都唔洗上，而且佢地的堂亦比較鬆(至於我
地係太散)，如果以商業角度出發，我呢班的人返學所需成本係
比其他果兩班為高，以我為例，就係因為要返多日學，就要係交通費
上洗多$41，呢筆數真係好可觀下...希望到下學期果時星期二
唔洗上堂，幫我節省番一筆啦...~~"
P.S. 諗諗下，我由開學到而家都未交過Newspaper Cutting(因為偷懶)，
而家仲要諗下點死番3篇Newspaper Cutting出來，所以今次真係有排煩了...OTL