首先就係上Science堂的時候，啊Sir突然爆句話「下星期的同一日的1730之前
記得交功課」，我完全唔知發生乜事，但見到同學竟然有果
張題目紙及同我講係一星期前的同一日派時，我真係好無言，因
為果日我遲了少少返，但題目紙竟然派哂(因為份數非常少，而
啊Sir已承認他印少了)，所以啊Sir之後話會補番，但到而家我都未
見佢補番比我地囉...OTL(謎之聲：仲有三張Notes都未補番比我地
喎！)，好彩同學之後印番張題目紙比我，如果唔係我就死了...
之後上VAD堂就玩造字型，無乜特別，一路做到1230就食午餐，但呢道
又出問題！因為我遲了出去，所以灣仔區所有可供吃午餐的地
方全部被學生，上了年紀的人，辦公室的文員佔據哂，
我迫住要行去銅鑼灣搵地方食飯，但銅鑼灣亦都係一樣，所以我就再
向東行，去天后站前的果間大R樂先搵到位食野，但因為由灣仔行
去銅鑼灣已經用了我30分鐘，所以我要快點食完，之後搭車返去。一出了大
R樂之後，我就剛剛見到一輛不經跑馬地的電車離站(初時想搭電車返去)，
而可見的2分鐘內都唔會有電車到站，所以我就更改決定
搭地鐵，不過我一入地鐵站就比車站樓梯的防滑墊搞到我冼
腳，仲差點仆底！好彩左腳反應夠快，立即幫到我平衡，
所以我又好快咁行落去月台等車，落到月台時列車亦是剛剛入站。到了
灣仔站之後，我就急急回校繼續上WAG堂，中途見到果部出了發的電
車，原來她亦剛剛到了灣仔，但最後我都係遲了五分鐘先到。但其實我
咁趕好似唔值得，因為遲到的話影響其實不大，你甚至可以同
老師講因灣仔無地方食飯，所以去了好遠食飯而遲了返，一樣無事。好
彩一星期得一日係要係外面食，如果唔係日日都要咁做就
慘了...
呢個WAG堂真係無野好做，因為ClassWork又做好，而啊Sir教的基本
Photoshop操作早就係VAD堂學哂，所以我就好無奈咁上
網同安裝了PangYa諗住玩，不過一來我想玩的時候剛剛是它檢
查Server中，無得玩(不過到了1500就檢查完了，比原定時間早了1
個鐘)，二來度學校防火牆太勁而連唔到Server，又玩唔到，所
以我真係無計了...
最後果堂CGD，更加是悶到我要決定走堂！因為今堂同上年一
樣，啊Sir叫同學出來介紹下佢套遊戲，唯一唔同的係佢只係預先抽了
幾個人出去，而且無抽中我，所以對於我呢個上年就已經交了一
份商業向的遊戲計劃書比火○工房的啊Sir睇的人來講，佢地講的野
真係對我無用，而且我傷風未清，不如早點返屋企了，最後
終於決定和我的同學一樣走堂。
得了去回應「搜尋館」內的問題，所以我急急入去睇，結果發現了
有四個人問了我四條問題，所以我又要急急回應...OTL
所以今日真係好慘呢...OTL
P.S.1 今日，我的型像工程已經進入第二階段，在15號起我會將網絡分享系統設定
為「對外開放」，並在同日刪除已有一年多歷史的「小車日記」，因為「小車日
記」的容量好大，而且更新不便，加上網絡分享系統已經投入服務，所以為使
「小魔女風物誌館」有足夠空間作新增分頁及檔案之用，我有必要將它刪除。但
我會將小車日記的內容壓縮，再找地方上載。
P.S.2 係返屋企的時候見到專負捉人亂用優惠車票的地鐵職員竟全部都駐紮係中環
站1，2號月台上，仲要企係電樓梯面前捉人，地鐵捉人的手法真係日新月異呢~XD
P.S.3 返了屋企之後就因為知道PangYa已經更新了，所以就開電腦更新，而且
發現新球道「WestWiz」已經啟用，所以我就用家庭Mode打了場18H的WestWiz，呢
條球道真係唔難打。