今日，我去了一個我出生18年，但到今日先第一次去的地方，
鴨利洲。
幾日之前我就一路問自已，日本都去過，有乜可能未去過鴨利
洲呢？所以我今日就決定去行一行，不過果度得巴士可以去到，所
以我當然要放棄保鐵，全程都搭巴士去啦~XD"
不過係去之前我卻去了HW IVE先，因為家裡的電腦因為發生某些問
題不能上網(關於果個問題我會係之後講)，結果我仍然無辦法解決
果個問題，所以我就決定放棄，行去171線位於荔枝角的巴士總站度等
車，而我係行入總站時見到一部Evrio500(不過係歐三引擎)，兩部歐三
都普躉及兩部歐三亞記躉(又稱飛機躉)停了係度，因為這條線是
和城巴一起聯營的路線來，所以前三隻巴士係九巴的車來，另外在總站亦
看見兩部城巴大富豪，我這時已經決定不乘搭大富豪及歐
三都普躉，因為前者上斜無力，而後者的車頭坐位是
很窄。
當我去完地鐵站檢查完八達通的餘額返去巴總度時，發現我最想搭的
Evrio500開走了，不過因為171使用兩個月台的關係，所以我直接
問師傅下班171號巴士幾時開，他說下班是都普躉先開，由於我不乘搭
都普躉，所以我再問下下班幾時開，他說下班就是他駕駛的果班，而果
班係飛機躉，所以我毫不考慮下就決定搭果班巴士。
由過海後我就留心睇下呢部巴士的性能是怎樣，過完海後巴士完全無係
灣仔停留過就直接入香港仔隧道，我感覺到部巴士的極速都不
錯，去到利東的長命斜時就係考驗呢部巴士的上斜能力，結果
我都可以給它合格，因為唔係太覺出現唔夠力上斜的感覺。
去到海怡半島巴總後我就開始檢查下附近的商場有甚麼行，結
果...=.=" 而且外面很大雨，所以我係商場吃完飯後先出去行下舊
區，不過都係令我失望，最後就係行長命斜上去利東，果度的
評語用一個字就夠：唉！因為當初我覺得鴨利洲點都數間景品店
可以行下，不過我最後發現成個島竟得一間景品店！我唔知係咪香
港仔將所有客源都搶哂，不過今日唔會去香港仔，所以我會當今次
無發現值得睇的店鋪，未來一年都未必會再去鴨利洲。
不過係臨去海怡半島巴總的期間我不斷見到有城巴的大富豪於
171線行駛，當我害怕一陣要被迫搭大富豪時，突然有一部用歐四引擎
的Evrio500係我身邊飛過，我細看之下，發現它於171線行駛，
所以我就用很快的腳度行返去海怡半島巴總希望拾到寶。看看171線的
月台，竟發現之後開的三班巴士都係九巴的車，分別是兩部
都普躉及一部歐四Evrio500！由於歐四Evrio500是第三班開出
的，所以我就要企係總站度先等前兩部都普躉離開，而第二部都
普躉離開離開時師傅就問我「唔上車啦？」，我就答我要搭隔
離果部，師傅望了一望隔離部車，發現是歐四Evrio500之後就笑笑
口，雖然我唔知係甚麼意思，不過到最後就到我笑笑口咁睇住佢了
~XD
終於到歐四Evrio500開出，係呢程車我基本上係第一個上車，不過我坐都未
坐好就開車了，其實我早前係某大巴士討論區見過九巴的師傅不斷稱讚
歐四Evrio500好跑，而且有部份的巴士迷說過歐四Evrio500上山
表現非常好，而且我都見到我將要乘搭的路線都有一部，為何不
試搭呢？而它在開車時我已經感到部車比一般行車時的速度略快，而上
利東的長命斜時更加可以在上斜時轉高波！仲可以死跟著前車，
這點已證明它非常好力，但可惜因為前面部大富豪無力上斜
阻住我部車，所以無法測試歐四Evrio500真正的上斜表現是怎
樣。
之後就是一大段平路，行起上來就沒有甚麼不妥，不過回程時171於港島北
是設有一個巴士站，所以部車就唔似得去程時係港島北咁直橫直
過，不過呢個時間剛好塞車，不過未至於要塞到停，所以都算
係順利咁以一個較正常的車速過了海底隧道，到我落車前一刻我
竟然驚見之前開的果班都普躉係我前面唔夠12米！我唔知係
我果部歐四Evrio500性能太好定係部都普躉行得慢而追到佢，所
以我落車之後立即行前對住師傅笑笑口，不過佢可能係睇唔
到了~XD
所以話同一條巴士線，你識選車搭的話係可以帶給你無
限的歡樂~XD
P.S.1 唔知點解琴晚網○行無端端又迫用戶改密碼，不過我改完之後竟然上
唔到網，結果今日要打去客戶服務熱線Reset個密碼先可以解決個問題，結果
琴晚成晚上唔到網...=.="
P.S.2 雖然鴨利洲無乜野睇，不過果兩程巴士我真係搭得好開心，因為來回
都係搭到靚野，尤其係回程時搭到全條線唯一一部掛牌的歐四Evrio500，果
程真係令我回味無窮~XD