而且我真係好唔滿意專教院摩利臣山分校部份人的言論！
當我見到自己的CA非常差的時候，我已經放棄CA，之後係考試前
特登上同學的家溫習(我真是認真溫的)，但最後換來的結果竟
然係放棄的CA合格而落力溫習的考試唔合格！我情
願佢兩樣都補算數，當比我溫書啦！
因為要補考，已經令我原先「玩 - 找工作 - 作文」的編排出現了大混
亂，所以我想到學校睇下係咪有甚麼搞錯了，但結果換來一肚氣！
坐係大堂收錢條友同我講驗卷要$500，呢個係常識我算，不過佢居然係
知道我要補考的情況下仲要同只需要補CA的人講「你地補
CA就好啦！可以抄Notes，幾容易合格呀，考試就唔
得啦！」，我想問你係咪當我唔存在？你識唔識尊重我？
之後我上到去搵啊Sir，佢睇我封信之後竟然同我講「睇Notes啦」，
如果我識睇Notes的話就唔駛來搵你啦！佢又話可以的話會開
堂比我地補下，點知到最後都係無！
至於我自己，原先只係預了補CA，所以只係問人借了Notes
準備抄，而且資源分配上分配到只足夠應付CA就算，只不
過因為補考呢件事令我大失預算，無辦法找工作來支援自己巨
大的使費，而且我得唔到適當的助，情況又不同於六月
的考試，所以我決定唔會就考試而增加資源，而今日的考試我
亦決定限死自己於開考後45分鐘交卷離場抗議，佢睇到
我份卷只係寫了咁少野都好驚訝，但我真係好不滿，所以只係話「唔
識，交卷」就算，我真係唔想浪費自己時間。
各位可能覺得我咁做好白癡，但如果當你知道要補考，但身邊個
個人都慶祝自己唔需要補考，又或者不斷將補CA的人
講到要上天堂，將補考的人講到要落地獄一樣，根
本無人去支持你的時候，你自然會好激氣，根本無辦法
提供動力比自己去溫書，所以係知道自己要補考的時候，我
情願打機同作文算，因為根本唔會有人支持我，咁我咁
辛苦溫來做乜？
不過下年我只係會比Year 2的學費，我唔會比呢兩科要重讀
課程的錢，因為我唔能夠冒險比錢去一個我根本上唔到的堂。
P.S. 但同一時間亦因為資源分配成功而令我創了新記錄 — 連續用3日共18小時就打爆「PS2魔法老師 2 時間目」的第一回合。