請注意！在我執筆時昂平360並未正式營運，各網友請勿誤信昂平360已營運而立即前往乘搭！
昨晚，我媽媽突然同我講，佢取得兩張昂平360試搭票，係計「任飲任食後還要無條件取得兩張迪
士尼樂園入場卷」後另一力作，而且車票還要包下「靈猴影院」及「與佛同行」的入場卷，原先
我不太想去(主要係試搭時發生的乘客被困兩小時及於台風下有車廂損壞的意外，還有背後操控的
某鐵路公司，令我對昂平360信心大減)，只不過因為昂平360有一定的吸引力，所以最後都係去了。
雖然下雨，但前往纜車站都沒有阻礙，而且因為很少人，所以亦很快就上到車。呢條纜車線真係
好高，尢其係由機場轉向站前往山頂的纜塔的一段是最高(起碼有50-60層樓高)，而且纜塔很遠，
講真我果時真係幾驚下。
有驚無險之下終於都去到昂平，當一出纜車站，就去到和出口一體化的精品店，在此地我發現了
一件很值得買的精品，只不過我想用多少少時間考慮，所以就先到市集參觀，不過最多的是餐廳
及主題精品店，但果時因為要預好時間睇戲，所以就係昂平市集食野。真係唔好意思，我係昂平
竟然吃肉...^^"
之後就開始排隊睇靈猴影院，套戲的內容及物理效果的確做得唔錯，不過當我地出番去外邊的時
候，昂平突然好大霧(謎之聲：九月喎，仲要係大霧！？)，就連昂平纜車站出發後第一個
纜塔都見唔到，之後更下起雨來。但是我早有準備，所以無濕身~XD
之後就係睇埋與佛同行，只不套片係唔能夠令我了解佛教的奧義，因為裡面的內容真係講得好散...
而我地離開戲院之時，竟然由下雨變成出太陽，好無奈呢... 之後就去番傳統上去到昂半一定會進入
的地方—寶連禪寺及新開發的「心經簡林」，只不過因為要趕尾班車的關係，我地無上到大佛就返
到纜車站，這時我決定買下之前我見到，很值得買的精品，昂平360車廂鎖匙扣模型一個(價值$48，
但手工我則非常有保留)。
返到家後，我又立即到旺角搜尋下有無蒔繪的精品，可以比我掛係袋上，只不過精品就發現唔到，
但私立麻帆良學園的校章就找到個，所以我立即買了個返來看門口，如果再搵唔到的話，我真係會
影印一個出來放係床邊！但睇來無咁的需要囉，而且個校章仲可以諗下掛係個袋度喎~XD