差唔多成個月無寫日記了，因為成個六月都無乜大事發生，不過今日就幾值得寫，因為係小弟自出世
後廿多年第一次嘗試真正的見工，所以就寫出來~
今日見的呢份工，其實係早排係學校報了名的同學先知道有呢份暑期工存在，不過報名人數眾多，
而裡面又有叻人有廢人，所以都要經過老師選擇之後，先有資格參加今日的面試~
而我正是其中一個幸運兒~XD
不過，今日集合時，最遲到果個又係我(遲7分鐘)... >///<"
之後，我地一行17人+兩個老師就由地面行人路攻去我地見工的果間IT Services公司，不過當時正落緊
大雨，所以行起上來真係好麻煩。而到了果間公司之後，係會議室內聽完職員的介紹之後，我地就填
寫申請表，之後分組面試~
不過，因為我係C組的關系，加上會面的室得2個的關係，所以我就同D組的同學一齊吹了大約30分鐘水，
集中火力講人是非~XD
而到我地組去面試時，我反而唔係太過Get到條問題究竟係想試我地甚麼，例如「如果你家裡的上網線斷
了，你會點辦？」，所以我就用番我平時處理呢個問題的方法去講番比佢聽，不過我都係覺得我答得唔
夠好，因為好多破綻，我真係有點驚會見唔成...OTL
不過我亦都要提及下我同其他同學離開公司回家的路，其實係就到公司的時候，我已經發現有一條有冷氣
的行人天橋係度，根據我的直覺，呢條橋應該係直出地鐵站的，路程比行行人路快一倍！(其實係我一年前
行過果度，所以先知~XD)，根本就唔需要行老師帶我地來的果條路走，所以我就帶了果兩個同學經呢條橋
，無濕身+好涼快咁行番去地鐵站。
經確認拿哂所有圖之後會自動出現，另外仲有一幅我仲未知道點拿，所以我未玩最後一次... 不過我本身唔
係太容許部PS2出現「真空狀態」的，所以我就重新玩番「課外授業」，將未拿到的圖，盡量係呢十幾日裡
面搞掂~