我諗住遲少少去會無咁多人排隊啊...
點知一邊搵龍尾，一邊覺得奇怪，因為我繞場一周，差唔多去到油站的時候，都仲未搵到龍尾...。□。||||||
但最後，我都係無行到去龍尾，因為就係油站前面，我比一個IVE同學用擁抱式的打招呼方法截停了，
仲比我打尖，所以我自己就排少了一個鐘頭隊。不過都仲要排多兩個鐘頭隊，我地先可以買飛進場...
講起上來，今年入場費貴了$5呢...
因為本身已經遲了進場，所以快快手兜完同人誌檔後，就開始搵Cosplay影相，不過我的答案同上次一樣，
唔知係我認識的動漫太少，定係我無興趣去影，所以最後只係影得30幾幅相...囧
(事後同網友檢討今次的影相活動時，我好認同佢指出CW玩Cos的人出的角色太大路，毫無特色，所以佢好
早就離場，我亦都提唔起興趣去影了...)
不過都唔係太影響我的，因為我今日去CW的第二個目的就係為了交貨~
就係搵收貨網友的時候，我再去果兩個有魔法先生的檔口度睇睇有無我想買的野~ 結果我買了本同人誌，
因為作者係幾鐘意蒔繪~XD 另外我仲同佢談了10多分鐘，了解到她係第一次開檔，另外佢亦會係12月的
新同人誌發賣會度繼續開檔，所以我會去支持一下~XD
至於第二個檔，就係一個魔法先生同人誌的老字號，我亦都去同佢地講了10幾分鐘野，並且知道了佢地的
檔會係邊段時間出現~XD
而最後我都可以將貨物交比兩個目標收貨網友~ 其實果件貨係*今個月19號魔法先生私影時所拍的片來，因
為Send了幾次都Send唔到，所以要咁樣交貨...囧
今日其實都玩得幾開心的，如果排隊排得快的話...
我就係唔明白，點解大會無吸收書展的經驗，比人係有冷氣的地方排隊，九展又唔係無地方，反正有咁多
層，咁多地方都未租出，就用未租出商鋪前的商場通道比人排隊嘛...
最起碼，即使都係要排兩個鐘隊，都唔會有人不滿啦~
外邊成30幾度熱，人龍仲要係室外繞場一周，人龍又行得慢，咁搞法實中暑都似...
*呢次的私影團係我搞私影團搞了三年以來第一次辦得成的團來，因為之前幾次唔係落雨，就係中途落暴雨
而爛尾... 如果今次唔成功，我就唔再組私影團了...囧rz
P.S.1 原來國際展貿中心翻新了之後，除了大堂樓頂突然高了四層，成個場光了好多之外，周圍都有免費WiFi
可以用，最適合就係比我呢類會帶部Notebook出街玩的無聊人士使用XD
P.S.2 不過就係用之前，有個Emax職員走過來，我以為佢係想趕客，點知佢第一句問我「你係咪用WiFi上網」，
當繼續對答之時，我發現原來個WiFi只係正式使用了無耐，連職員都無法確認WiFi是否可以使用... 最後因為無
其他的使用者，所以我成功係Emax將今日所影的圖片全部好快咁Upload哂上網~XD