今年的AGS我去足了四日，其中兩日因為要返工，所以只去了晚上場，但我仍然覺得幾好，
因為今次我地世界的S○NY社竟然租了一個半個場，而果半個場的 3 / 4 都是用來比Cosplay
活動及休息，比上年更有誠意的~
為了可以講清楚呢四日間發生的事，所以我會將相似的兩日Group埋一齊講~
AGS第一日及第三日
呢兩日都是要返工，但剛好又早放，先可以格硬去到夜晚場…
其實呢兩日去都有同一個目的，就係交收啦~XD
第一次去AGS會場的時候，因為唔熟路，所以一行就行了上會場，結果打電話比朋友後發現
Cosplay的活動地點係Hall 5，所以就立即返方向再返去售票處，結果發現果度有 3 / 4 個場
都係比Cosplay活動用，係以往係從來都未見過的…
不過因為來得遲，很多Cosplay都開始離場，我亦只好在有限的人流中找一些我想影的Cosplay
影相，之後就做交收了~而交收的東西，包括一件袍及17粒鈕，由於已到會場關閉時間，所以我
只好離開會展，回家食飯~XD"
而今日亦發生了段小插曲，就係我行過行人天橋時，我突然想起我常用的巴士線這時間應該有車，
又看到汽車橋上又有一部巴士，我就突然想到「這時間應是黃公司派車的」，結果我再看看汽
車橋上的那部巴士，赫然發現係我常乘的那條線！因為走失了這班車就要多等20多分鐘，下班車
才到，所以我立即跑往它下過會停的巴士站，結果我跑到巴士站，巴士剛剛因無人而飛站，但好
彩我仍然截得停佢，不過個心就因為跑而跳得好快啦~XD"
話時話，我終於都搭到單門的專利巴士過海了，可以在車頭上車，車頭下車的感覺很好~XD
至於第三次去AGS，因為已經熟路，所以很快就去到會場，不過呢日其實都係吹水多，因為Cosplay
同昨日，前日都係差唔多，所以真係無心機影… 另外就係呢個時間，我接收了涅吉的那支魔杖，
因為我發現我自己無技術同無時間去改造支杖，所以我就外判了支杖比網友搞…不過最後因為某些
問題，我只係拿到支棒，到第四日先再組合番使用。
另外，我係係呢度收到個像傳說般的消息，就係AGS竟然無端端出現神秘的第五日！！(詳情一陣會講)
之後，我地同網友搭船，由灣仔去中環，之後又因交通改道，經尖東鐵路站放下兩個網友，再步行
經過紅磡鐵路站，去黃埔睇ACG精品後，就再和網友解散，我搭巴士返屋企，順便測試一下支棒可
否帶上巴士及有無位可以放下，結果係搵到的~XD
AGS第二及第四日
呢兩日有三個相同的地方，就係公司放假，我出涅吉同出團~ 但當然人物配搭唔會係一樣啦~XD"
第二次去AGS的主因係我想入場玩，所以先Cos的(被打中)，不過唔可能單丁咁出嘛，所以就夾埋兩
位網友出團，到場後又夾多兩位都係出魔老的網友，組成了最強的魔法先生團~！(廢話！果度得你
一個魔老團姐嘛！XD)
結果，出了海邊影相後，終於都入場啦~！
不過看見場內過份側重PS3，PS3的Game種類又少得可怕，而明明仲有大把新Game的PS2卻得兩隻新
Game推介，真係比上年更悶…
最後，係無節目吸引的動力下，我地又返到Hall 5繼續影相，繼續惡搞，直至六點才再去會場，睇
幸運星舞，之後真係忍唔住要走了，結果在會展外的巴士總站和網友道別後，我就慢慢行去巴士總
站搵車搭番屋企~XD
第四次去AGS，亦係因為有開魔老團所以先去，不過今次的特點係唔打算入場~
由於原先已經遲了到的關係，令可以玩的時間更緊迫，而且有很多原先話來的同學都因為急事而來
不到，所以我就只好帶著三位同學+一位外部加入的同學去遊一次花園~XD"
就係遊花園之時，我地其中一位遲大到同學都到了，雖然她來到後亦只有一小時多可以玩，不過我
欣賞她明知遲大到都要由大西北出來被免失約，而且我地又影了很多相，如果唔為她補回多點的相
就很像對她不公平，所以就有點失控咁為她影了比平時多一點的相。
結果去到下午5點，因為保安清場，所以Cosplay同攝記就移師去平時唔會點去的海邊影相，結果反
而因為人流比平時多而得到一個更好的影相效果，結果影到夜晚7點，我同兩位同學+1位攝記就聽那
位遲來的同學話，Cos住去銅鑼灣影貼紙相，由於之前已經有多次影貼紙相的經驗，所以一影個動作
就越來越自然了，而那些貼紙相的質素應該暫時係最好的~XD
之後，我地就去了我平時食晚飯的那間吉○家搞個慶功會，而係慶功會內，我再和兩位同學相約在
那個傳說中的AGS Day 5出Cos來補回因為遲來而損失了的時間… 講起呢個Day 5，並唔係於會展舉
行，我都係從新聞那裡得知，據聞係因為來自天水圍的員工很勤奮，因此打動了我地世界S○NY社，
係天水圍搞多日，專給區內人玩，獎勵他們的努力。
AGS神秘的第五日
結果，我成日都係坐了係屋企打機…XD"
因為係返到屋企之後，我發現一面倒的意見都係話唔去Cos為妙，就連原先約定的同學都話想睇情況
先再去，結果我接納，係呢日我找了兩個人幫我做實況(真係感謝你們的幫忙)，都發現同預想一樣，
得唔超過5人出Cos，由於遠低於超過40人的下限，所以我在中午正式知會約定的同學終止出團，所以
我就乖乖係屋企玩埋未玩完的魔法先生 2時間目，再繼續玩夢中戰鬥~XD
以上就係我係AGS期間的總結了。