Rainbow Galas 01係近排於香港ACG界引起話題的新同人誌即賣會！在12月30日於九龍灣舉行~
呢日我為了響應同支持呢個新Event，我第一次去九龍灣出Cos~ (平時因為仲要比錢先可以Cos的關係，
所以我只會去影相而不Cos~)一進場，第一件事就發現會場門口沒有圍板，可看見場內的情況，亦不見
有人排隊，後來才發現原來人被安排在Hall B內排隊，唔駛係外邊食西北風。
不過我自己是出Cos，而且要換衫同寄存，所以就上了七樓登記，對現在已投身社會的我來講比錢登記
不是問題，服務才是重要環節！但就當時情況所見，並無出現混亂，真係抵讚~！
不過就係換衫的時候，竟然發現唔記得了帶恤衫！！囧
好彩，因為有朋友係度，所以就托友人幫我買了件恤衫，但因此就要破費$114大圓啊！！囧
不過又好彩，唔知點解事前我會用櫃員機提了錢出來…^^"
當一切都準備好之後，我同三位同學+友人入場，不過一入場，是沒有感覺像CW24一樣人迫人的感覺，
所以很快去到預定的Cosplay攝影區~ 同班同學影了幾張相之後，又找到一些玩Cos玩得很久的Coser來談
天，結果發現當初原來排隊的地方應是室外，但因主辦單位反應非常快，結果變成係Hall B內排隊，
第二抵讚。
不過我之後因為衣服損壞要返回更衣室拿救命品，發現存取行李方面出了問題，令到有大量的人係門外
等候，而且我見工作人員都做得好辛苦，連飯都不能吃…雖然影響不到我，但以當時的排隊情況來睇，
這個RG01是唯一的缺陷吧…
我地係七樓影完相，同學生說聲再見後，我再入場行埋未行的部份，而且仲搵到主辦者一齊談天(主辦
者係四周圍走的)，討論下今日的節目呢~^^
最後，我係玩到RG活動完結後10多分鐘才走，而且中途我找到很多熟人談天，真係很少有啊~
相比起CW24(日記連結)，RG01簡單係完美！CW做得唔好的地方，RG01改正了，*CW蓄意忽略的事，
RG01都完美處理，可以做到兩方兼顧，可見RG01才是一個真正想令客人同Cosplay開心的活動，，所以
話「一個香港，不應只有一個同人誌即賣會」(無錯！我係明抄某公司的廣告！)，有競爭才有進步，今
次看來RG今次會對CW構成壓力了~XD
如果下年還有RG02的話，我就算要返工，都必定會請假去，以示支持！
*據聞CW本身唔太鐘意有Cosplay入場阻他賺錢的關係，所以對Cosplay處處設限，包括必須登記，要附
加$10才可排隊進場等等，不過近來連同人誌果邊亦辦得不好的關係，所以同時受到兩方嚴厲的批評。
詳情請觀看我於8月寫的日記。