由於時間關係，我講Point算~XD
工作方面
今個月比較特別點，我一個月之內打過兩份長工，而之前的果份工，係於圖書館裡面做的~XD"
就係呢份工，我終於都明白到書店妹妹的工作係幾咁辛苦，又要做借還(仲係人手做)，又要分書，
又要上書，本書又重… 不過咁樣，據我的觀察所知，麻帆良學園的圖書室同圖書館島的繁忙情況，
一定唔同香港公共圖書館，它的繁忙程度比起圖書館島多10倍…呀唔係！係100倍！
遲下有時間就會慢慢講下上一份工的所見所聞了~
而家的呢份工，我真係唔講得係邊道做，因為一講就實會有人來煩我… 所以你地當住我仲係做鐵路
(指香港高速鐵路)先~XD" 呢份新工，我每日要返10個鐘，由於係早更，我更要係每朝早6點就要起
身搭廠車返工！雖然因為工時太長，而睡眠時間不足而睡不夠，不過人工就比之前份工高約$500
(甚至更多)，而且伙食同交通費同以前相比，可以節省高達50%！所以實質上賺到的錢會比以前果
份更多~XD
又雖然話工時長，但實質上只有5.5小時係真係需要做野，其餘的時間，都係坐，睇電視又或者係
食飯時間，就算要做野的時候，都無以前的工咁辛苦。
希望遲下返夜班可以睡夠佢了，但返夜班就一定要斷六親…代價很大呢…囧
希望到時只是分開返兩三日了…
ACG界活動方面
今個月其實只有理大一個活動搞，不過因為我唔熟悉拿假程序，所以差點就要係活動舉行的兩日
返工去唔到，好彩因為早前無人同我講過拿假的事，所以可以破例改到假，先可以去到星期日果
場，雖然初時以為會見唔到某檔的檔主，不過之後發現這檔的檔主原來都因為有點事而改在星期
日開檔，仲特登等我來先開餅食，加上當日又約了兩個網友，幫手做攝記，以及同一位網友興祝
生日的關係，果日真係最滿足~
其他方面
其實我都忍了個舊電話好耐，雖然佢性能仲良好，但功能好明顯係過於落後，所以我決定係今個
月的12號，買了部新的手機，不過我本身要求部機要Mon大同鍵盤大，但只有日本水貨機先符合
我要求，所以係慎重的考慮之後，買了部改了做中文的日本水貨機，部機的功能比舊機多好多，
而且可以播MP3，影到300萬像素的相片同可錄每段20分鐘的有聲短片，加上買了張1GB的Micro SD卡
，所以係緊急到拿唔到相機的時候，呢部電話就會好好用！XD
而更有趣的係，部手機係於我部Notebook投入服務一周年當日入手，而且部手機又係TOSHIBA產品，
Micro SD又係佢造，睇來係得TOSHIBA先明白我的需要~XD
以上就係我呢個月大約做過的事，可能之後仲會有事發生，如果真係有的話我先再講~XD