之前我做的果份工是於香港公共圖書館裡面做助理的~
但其實好聽點就係助理，難聽點就是做苦力！
點解我咁講呢，原因係除了你地認識的上書(將書放上書架)外，我地仲要連苦力的部份都要做埋，日日
於停車場將重300kg的書推上去圖書館內分類，超快速分類圖書等等，而且我所工作的圖書館人流又比
其他館多幾倍，尤其係假期前後，繁忙程度係平日的三倍，真係全日做不停。
大家可能會問呢份工人工應該會可觀了，假的！呢份工擔擔抬抬，都只係得$5000幾！而且交通費又貴，
食飯又貴，結果份人工咁就去了一大半，仲要抵死到有會考五科合格先做得！好明顯呢份工的學歷同工
作性質係不成正比，學歷應該降低做中五程度就差唔多。
結果，就係因為份工的勞力同薪酬不成正比，加上係果度的舊同事絕大多數都太串同太多無理要求，同
佢地關係不好的關係，所以我決定轉工。
至於呢份新工，同同事及上司的關係都算幾好，不需付出太多勞力，但最大的問題係精神損耗，因為要
神早返到公司，又要返10-12小時，又可能要好夜收，所以就算我決心幾大都好，都真係要講句，好辛苦。
不過呢份工有個好處，就係由屋企去公司，係有巴士直達的，而且仲係廠車，日日有，唔需要比錢的關
係，車費已經比以前省下一大筆，而且員工餐廳的食物價錢略平，所以人工都可以省番筆係食飯支出方
面，而呢份工另一好處是可以有限度咁安排自己係邊日放假，都算方便的~
而今個月的人工有$7000幾，辛就辛苦點，但實際上賺到的錢比之前最少多$3000，所以係未影響到我精神
狀況及交友關係的情況下，我仲會返住呢份工先。
P.S. 估唔到強積金未開始供，政府已經送了$6000比我…XD"