啊哈哈，某日我睇番自己的日記，先發現原來有三個月的時間係無寫過日記…XD"
今日我就想評論一下香港兩間地面電視台 + 一條動畫頻道係暑假購買動畫的情況。
不過我先聲明，家裡未有數碼頻道的關係，所以我不會就數碼頻道的動畫評論。
先講下TVB的暑期新番動畫先~
唔知係咪預了八月全月都用盡時間播奧運節目關係，今年新番比往年少之餘，還沒有
引入比較受歡迎的動畫，同上年相比今年的新番的確令人失望…
之後就是aTV了~
…算吧，係對面台獨大的情況下，aTV根本唔需要買暑期新番，而且都對它的新番無期望~XD
至於Animax呢…
今年暑假新番都有一兩套好睇的，但極之可惜兩套都係OVA，都係一集過…
不過講開又講，我真係非常之不滿意Animax購買動畫的政策，為甚麼要經常購買人地
播過的動畫回來播？現在一開Animax，就是見到那些人地播過好多好多次的動畫，唔通
Animax唔覺得有問題的嗎！
Animax的主題是動畫是無錯，但希望Animax要留意番當地情況，希望它購買一些地面電視台
根本不會買來播的動畫，而不是不斷購買人地已經播出過的動畫回來播！
講真，我好欣賞上年8月Animax一口氣買了3-4套追得近日本進度而非常好睇的動畫回來播，
不過今年8月卻竟然得一套新番，真令人失望，令我覺得好似白給台費一樣！
不過這時又講講另一個我睇唔到的頻道 - 有線電視兒童台。
今年有線只是買了一套新番，卻擊中了很多人的要害！因為那套是於日本極之有名的魔法少女奈葉系列！
(不過奈葉其實不是兒童向作品，放在兒童台播我驚…)
聽聞有線會一口氣播足三輯奈葉！最衰我家無有線，否則我一定支持！
由於今年出奇地新舊番都唔合我睇，所以今年暑假除打機同睇新聞外，日間應該會關電視，唉…
但此時電腦的功用就顯得很重要了~！XD
因應今年奇特的情況，所以我已經著手找了很多舊動畫回來看，包括Chobits，Kanon，SHUFFLE!系列，
校園迷糊大王，D.C.系列等等，再加上日本的四月及七月新番，應該勉強夠暑假用~XD"
此外，我還有小說及BVE路線需要用電腦開發，以及暑假的ACG Event等等，應該都無時間理其他野了~XD